Korrekt.az xəbər verir ki, ABŞ-da məşhur qadın yazıçı, uşaqlara kömək haqqında “Sən mənimləsən” kitabının müəllifi Kori Riçinsin məhkəməsi keçirilir.
O, əri Erik Riçini öldürməkdə ittiham olunur. Bu barədə NBC News məlumat verir. İşin materiallarına görə, 2022-ci ildə Kori əri üçün “Moskva qatırı” kokteyli hazırlayıb və üzərinə fentanil əlavə edib. Müayinə göstərib ki, 39 yaşlı kişinin bədənində bu maddənin ölümcül dozası var. Ərinin ölümü zamanı Korinin 1 milyon dollardan çox borcu var idi.
Ərin aktivləri 4 milyon dollar təşkil edib. Hüquq-mühafizə orqanlarının əməkdaşları qadının ərini həmin pul xatirinə öldürə biləcəyinə inanırlar. Qadın yazıçıya qarşı digər ittihamlar da irəli sürülüb: qəsdən adam öldürməyə cəhd, sənədlərin saxtalaşdırılması, fırıldaqçılıq və s. Qadın yazıçı ona qarşı irəli sürülən ittihamları rədd edir.
