Korrekt.az xəbər verir ki, dünən Avropa İttifaqının (Aİ) hakimiyyət orqanları, Ermənistanın aviasiya “qara siyahı”ndan çıxarılması tələbini rədd edərək, Ermənistan aviasiyasının bundan sonra da Aİ-nin sanksiyalarına məruz qalacağını açıqlayıb. Nəticədə, Ermənistan təyyarələrinin Aİ hava məkanına daxil olması hələ də qadağan olunub.
Qeyd edək ki, 2020-ci ilin iyun ayında, Ermənistanın bütün aviaşirkətləri Aİ-nin “qara siyahısı”na daxil edilib, bu da onların Avropa İttifaqı hava məkanına girməsini əngəlləyir. Ermənistanın Aİ-nin aviasiya qara siyahısına salınması, o dövrdə aviasiya idarəsinin rəhbəri olan Tatevik Revazyanın səriştəsizliyi ilə əlaqələndirilir və bu, Ermənistan aviasiyasının tarixində ən böyük biabırçılıq sayılır.
Bu vəziyyət, Ermənistanın aviaşirkətlərinin Avropa bazarında mövcud olan geniş imkanlardan faydalanmalarına mane olur. Məsələn, Gürcüstanın aviadaşıyıcıları, Aİ-nin hava məkanına daxil olaraq, milyonlarla dollar gəlir əldə etməyə davam edirlər. Lakin Ermənistanın aviasiya sahəsindəki rəhbərlik və idarəetmə məsələlərinə məsul şəxslər, sektorda baş verən bu böyük səhv və itkilər üçün hələ də cavab verməyiblər.
