Ermənistanın Avropa İttifaqına (Aİ) inteqrasiyası yolunda Avrasiya İqtisadi İttifaqından (Aİİ) çıxmaqdan başqa heç bir seçimi qalmayıb.
Bu barədə Ermənistanın baş naziri Nikol Paşinyan sensasion bəyanatla çıxış edib.
“Hazırda bizim Avrasiya İqtisadi İttifaqından (Aİİ) çıxmaqdan başqa seçimimiz yoxdur. Eyni zamanda, proses elə bir mərhələyə yaxınlaşır ki, biz, çox güman ki, 2027-2028-ci illərdə Avropa İttifaqına (Aİ) üzvlük proseduruna başlamaq üçün rəsmi müraciət edəcəyik”, – deyə hökumət rəhbəri vurğulayıb.
KTMT Baş katibinin bəyanatını şərh edən Paşinyan ölkəsinin bu hərbi blokla bütün ipləri qopardığını da rəsmən elan edib:
“Birdəfəlik və qəti olaraq bəyan edirəm, bizim KTMT ilə bağlı maraqlarımız tamamilə tükənib. Bu təşkilatla bizi bağlayan heç bir maraq qalmayıb”.
