Ukrayna bütün dünyanı aldadıb. Korrekt.az xəbər verir ki, The Wall Street Journal yazır ki, Ukrayna tərəfi ABŞ-ın Ukrayna münaqişəsinin nizamlanmasına dair təqdim etdiyi planın internetdə yayılan versiyasını təhrif edib.
Nəşrin məlumatına görə, Vaşinqtonun hazırladığı sənəddə əsas müddəalardan biri müharibə boyunca Ukraynaya göstərilən bütün yardımın – yalnız ABŞ-dan deyil, qlobal dəstəyin də – hərtərəfli auditinin aparılmasını nəzərdə tutur. Bu addım Ukraynada iddia olunan korrupsiya faktlarının üzə çıxarılmasına yönəlmiş açıq və ciddi mexanizm kimi qiymətləndirilir.
Lakin yayılan versiyada həmin müddəanın əvəzinə münaqişənin bütün tərəflərinə müharibə zamanı törədilmiş cinayətlərə görə tam amnistiya verilməsi ilə bağlı bəndin yer aldığı iddia olunur. WSJ yazır ki, bu, planın orijinal mətnində olmayan və sənədin mahiyyətini dəyişdirən ciddi təhrif kimi dəyərləndirilir. Nəşr yazır ki, bu günə qədər Ukraynaya edilən 100 milyardlarla dollar yardım təyinatı üzrə istifadə olunmayıb. Nəşr qeyd edir ki, məhz bu səbəbdən rəsmi Kiyev bu planı təhrif edərək dünyanı çaşdırmaq istəyir.
