“Politico” xəbər verir ki, ABŞ-ın ordu katibi Den Driskoll və Baş Qərargah rəisi Rendi Corc başda olmaqla yüksək rütbəli hərbi nümayəndə heyəti Kiyevə gözlənilməz səfərə gəlib. ABŞ nümayəndə heyəti Ukraynanın yüksək rütbəli hərbi rəsmiləri, millət vəkilləri və prezident Vladimir Zelenski ilə görüşəcək. Səfər Vaşinqtonun Ukraynada müharibəyə son qoymaq səylərini müzakirə etmək məqsədi daşıyır.
Korrekt.az xəbər verir ki, bundan əlavə, Birləşmiş Ştatlar PUA istehsalı texnologiyasını ABŞ-a ötürmək üçün Kiyevlə müqavilə bağlaya biləcəyinə ümid edir. Jurnal qeyd edir ki, ABŞ müdafiə naziri Pit Heqset heç vaxt Kiyevdə olmayıb, ona görə də Driskoll və Corc hazırda Ukraynaya səfər edən ən yüksək rütbəli Amerika hərbçiləridir.
