Korrekt.az xəbər verir ki, dünən İranın xarici işlər naziri Abbas Əraqçı ABŞ nümayəndələrinin İran suları yaxınlığında yerləşən USS Abraham Lincoln təyyarədaşıyan gəmisinə baş çəkməsinə münasibət bildirib.
Əraqçı deyib ki, ABŞ-nin regiondakı hərbi mövcudluğu Tehrana təzyiq göstərmək məqsədi daşısa da, bu cür addımlar İranı qorxutmur.
O, əvvəlki qarşıdurmalara işarə edərək qeyd edib ki, İran müharibə təhdidləri qarşısında mövqeyindən geri çəkilməyib:
“Müharibənin üçüncü günündə qeyd-şərtsiz təslim olmaqla bağlı tvit yazanlar, 12-ci gün qeyd-şərtsiz atəşkəs haqqında tvit paylaşdılar. Niyə? Çünki biz müharibədən qorxmurduq və mövqeyimizdə dayanırdıq”, – deyə Əraqçı bildirib.
