Özbəkistanda sosial media da daxil olmaqla, ədəbsiz ifadələrdən istifadəyə görə cərimələr və həbslər tətbiq olunacaq. Korrekt.az xəbər verir ki, müvafiq qanun layihəsi ölkə parlamentində birinci oxunuşda qəbul edilib.
Qayda pozanlar 5 milyon suma (694,65 manat) qədər cərimə və ya 10 günə qədər inzibati həbs cəzası ilə üzləşə bilərlər. Müqayisə üçün, ictimai yerlərdə ədəbsiz ifadələrə görə cəzalandırılan xırda xuliqanlıq haqqında mövcud inzibati qanun 1,24 milyon sumdan (172 manat) 2,06 milyon suma (280 manat) qədər daha aşağı cərimələri, lakin daha uzun müddətli həbsləri (15 günə qədər) nəzərdə tutur.
Qanun layihəsinin müzakirəsi zamanı çıxış edən qanunun həmmüəllifi Xuşvakt Xaitov qeyd edib ki, yeni inzibati qanun sosial şəbəkələrdə istifadəçilərin “ictimai əxlaqın nümayişkaranə və qəsdən pozulması” törətdiyi cinayətlərin sayının artması səbəbindən zəruridir.
Millət vəkilinin sözlərinə görə, bu tendensiya “əxlaqsızlığın yayılmasına, hörmətsizliyin və aqressiv davranışın artmasına, xüsusən də gənclər arasında” kömək edir.
