Korrekt.az xəbər verir ki, ABŞ Prezidenti Donald Tramp Ağ Evdə çıxışı zamanı Vladimir Putindən Ukrayna şəhərlərini atəşə tutmağı bir həftə təxirə salmasını istəyib.
“Mən şəxsən Putindən bir həftə ərzində Kiyevi və Ukraynanın digər şəhərlərini bombalamamasını xahiş etdim. O, buna razı oldu.”
Bundan əlavə, Amerika lideri Ukrayna münaqişəsinin həlli ilə bağlı danışıqlarda əhəmiyyətli irəliləyiş olduğunu açıqladı.
Tramp bildirib ki, prezidentin xüsusi elçisi Stiv Vitkoff və Cared Kuşnerin “çox çalışdıqları” və Ukraynadakı müharibənin sonu yaxınlaşır.
“Bu, Amerika administrasiyaları tarixində ən uğurlu il olub. Biz səkkiz müharibəni dayandırdıq. Və düşünürük ki, daha biri başa çatmaq üzrədir. Stiv Vitkoff və Kuşner çox səylə çalışırlar. Və düşünürəm ki, biz bunu başa çatdırmaq üzrəyik”, – deyə Amerika prezidenti bildirib.
