Ukrayna ordusunun Rusiyanın sərhəd bölgələrinə müdaxiləsi zamanı Ukraynaya aparılan bir qrup mülki şəxs Kursk şəhərinə geri qaytarılıb. Korrekt.az xəbər verir ki, bu barədə Kursk vilayətinin qubernatoru Aleksandr Xinşteyn məlumat verib.
Onun sözlərinə görə, Ukraynadan qayıdan mülki şəxslər ötən gecə Kursk şəhərinə çatıb. Qrup Kursk regional hökumətinin nümayəndələri və tibb işçilərinin müşayiəti ilə gətirilib.
Qubernator bildirib ki, hazırda geri qaytarılan şəxslər müvəqqəti yaşayış mərkəzində yerləşdiriliblər və onlara zəruri tibbi və sosial yardım göstərilir.
