Vladimir Zelenski bildirib ki, ərazi məsələlərində irəliləyişə nail olmağın ən effektiv yolu Vladimir Putinlə birbaşa şəxsi görüşdür.
Korrekt.az xəbər verir ki, Ukrayna lideri bu barədə Axios nəşrinə müsahibəsində danışıb.
Zelenski qeyd edib ki, mümkün sülh danışıqlarında real nəticə əldə etmək üçün liderlər səviyyəsində təmas vacibdir. Onun sözlərinə görə, bu məqsədlə komandasına gələcək görüşün Cenevrədə təşkil olunması ilə bağlı tapşırıq verilib.
Ukrayna prezidenti hesab edir ki, dövlət başçıları arasında birbaşa dialoq münaqişənin həlli istiqamətində yeni mərhələnin başlanmasına şərait yarada bilər.
