Bakı Şəhər Yaşıllaşdırma Təsərrüfatı Birliyinin məlumatına görə, son iki gündür paytaxtda müşahidə olunan güclü küləklə əlaqədar qurumun əməkdaşları gücləndirilmiş iş rejimində fəaliyyət göstərir.
Bildirilib ki, yanvarın 2-dən 3-nə keçən gecə güclü külək nəticəsində şəhər ərazisində 9 ağac sınıb, 6 ağacın isə budaqları qırılıb.
Qeyd olunur ki, sınan ağaclar və qırılan budaqlar Birliyin növbətçi briqadaları tərəfindən operativ şəkildə ərazilərdən götürülüb, müvafiq təmizlik işləri aparılıb. Hazırda yaşıllıq sahələrində nəzarət tədbirləri davam etdirilir.
