Avropada mövsümün ən yaxşı bombardirinə verilən Qızıl Buts uğrunda mübarizədə Harry Keyn açıq favorit kimi önə çıxır. Bayern Munhen klubunun hücumçusu Bundesliqada keçirdiyi 29 oyunda 33 qol vuraraq 66 xal toplayıb və siyahıya liderlik edir.
Korrekt.az xəbər verir ki, onun ən yaxın izləyiciləri arasında yer alan Kylian Mbappé 24 qol (48 xal) ilə ikinci pillədə qərarlaşıb. Lakin futbolçunun zədə səbəbindən mövsümün qalan hissəsini buraxacağı bildirilir ki, bu da onun şanslarını ciddi şəkildə azaldır.
Eyni göstəriciyə malik digər iddiaçı Erling Haaland da 24 qolla yarışda qalır. Manchester City hücumçusunun mövsümün sonuna qədər göstərəcəyi performans yarışın taleyinə təsir edə bilər.
Hazırkı vəziyyətə görə, Keyn həm qol sayına, həm də topladığı xallara görə rəqiblərini xeyli qabaqlayır və mükafata ən real namizəd hesab olunur.
