“Mundo Deportivo”nun məlumatına görə, Uruqvay milli komandasının və İspaniya çempionu “Barselona”nın müdafiəçisi Ronald Araujonun Dünya Kubokunda iştirakı sual altındadır.
Ronald Araujo iyunun 4-də baldır əzələsindən zədə alıb. Onun meydana qayıdışı gələn aya qədər gözlənilmir.
Araujonun Dünya Kubokunda iştirakı Uruqvay millisinin 1/16 və ya 1/8 finala yüksələcəyi təqdirdə mümkün olacaq.
Qrup mərhələsinin ilk turunda Uruqvay Səudiyyə Ərəbistanı ilə heç-heçə etdi (1:1). İkinci turda Uruqvay Kabo-Verde (22 iyun), final mərhələsində isə İspaniya (27 iyun) ilə qarşılaşacaq.
