Korrekt.az xəbər verir ki, İngiltərə Premyer Liqa klubu Manchester Citynin növbəti baş məşqçisi Enzo Maresca ola bilər.
Əgər Josep Qvardiola mövsümün sonunda postundan ayrılsa, italyan mütəxəssis “şəhərlilər” üçün əsas namizədlərdən biri kimi diqqət mərkəzində olacaq.
Qeyd olunur ki, Maresca əvvəllər Manchester Citynin gənclər komandasında çalışıb və Qvardiolanın məşqçilər korpusunda yer alıb. Klub rəhbərliyinin yüksək qiymətləndirdiyi mütəxəssis, həmçinin klub daxilində etibarlı və perspektivli məşqçi kimi tanınır.
