ABŞ-də saxlanılan azərbaycanlı tələbə azadlığa buraxılıb.
Korrekt.az xəbər verir ki, ABŞ-nin İmmiqrasiya və Gömrük Mühafizəsi Xidməti tərəfindən saxlanılan Kolumbiya Universitetinin tələbəsi Elmina Ağayevanın məsələsi federal səviyyədə müzakirəyə çıxarılıb. Nyu-York meri Zohran Mamdani onun saxlanmasını Ağ Evdə ABŞ Prezidenti Donald Tramp ilə görüşündə qaldırıb.
Merin açıqlamasına görə, görüşdən sonra Prezident ona tələbənin yaxın zamanda azad ediləcəyi barədə məlumat verib.
Az sonra ABŞ-nin Daxili Təhlükəsizlik Departamenti Ağayevanın sərbəst buraxıldığını rəsmən təsdiqləyib. Qeyd edək ki, tələbənin azadlığa çıxması ilə bağlı qərar qısa müddətdə verilib. Bununla yanaşı, rəsmi qurumlar miqrasiya prosedurlarının davam etdirildiyini də açıqlayıblar.Musavat.com
