ABŞ Energetika Nazirliyi, növbəti on il ərzində yerli uranın zənginləşdirilməsi gücünü artırmaq məqsədilə 2,7 milyard dollar vəsait ayırıb.
Korrekt.az xəbər verir ki, nazirliyin açıqlamasına görə, bu addım, ABŞ Prezidenti Donald Trampın enerji təhlükəsizliyinin artırılması və xarici təchizatçılardan asılılığın azaldılması məqsədini dəstəkləyir.
Bəyanatda vurğulanıb ki, investisiya aşağı zənginləşdirilmiş uran (LEU) və yüksək dərəcədə aşqarlanmış aşağı zənginləşdirilmiş uran (HALEU) istehsalını artırmağa, yeni təchizat zəncirləri yaratmağa və məşğulluq imkanı yaratmağa yönəlib.
Bu məqsədlə, uran zənginləşdirmə əməliyyatlarını həyata keçirəcək üç şirkətə 2,7 milyard dollar dəyərində müqavilələr bağlanıb: American Centrifuge Operating, General Matter və Orano Federal Services. Bu investisiya ABŞ-ın uran zənginləşdirmə sahəsində müstəqilliyini artırmağı hədəfləyir.
