Böyük Britaniyada mindən çox pab yüksək vergilərdən narazılıqlarına görə artıq hakim Leyborist Partiyasından olan millət vəkillərinin üzünə qapılarını bağlayıb. Korrekt.az xəbər verir ki, bu barədə Times qəzeti xəbər yayıb.
Qəzetin məlumatına görə, boykotun təşkilatçılarına istinadən Reyçel Rivzin seçki dairəsində bir çox pab sahibi vergi artımlarına etiraz olaraq lideri və digər Leyborist millət vəkillərini öz ərazilərinə buraxmır. Kampaniyanın əsas təşəbbüskarı, Dorset pab sahibi Endi Lennoks bildirib ki, boykota dəstək artdıqca 1000-dən çox pab Leyborist millət vəkillərinin əraziyə daxil olmasını qadağan edib.
Lennoks həmçinin qeyd edib ki, Baş nazir Keir Starmerin sevimlisi olan Londonun Kentish Town rayonundakı Pineapple pabının sahibi də kampaniyaya qoşulmağa dəvət olunub, lakin hələ cavab verilməyib.
Daha əvvəl Britaniya mediası xəbər vermişdi ki, bir çox pablar maliyyə siyasətinə etiraz olaraq Leyboristlərin millət vəkillərinin üzünə qapılarını bağlayır. Daily Mail qəzetinin məlumatına görə, qadağa maliyyə naziri Reyçel Rivzə də şamil olunub. Nazirə öz seçki dairəsindəki pablardan birinə baş çəkmək qadağan edilib. Pab sahibi ona Milad tətilində orada içki içməməyi tövsiyə edib və digər qonaqlar da bu qadağa ilə razılaşıblar.
