Korrekt.az Sinxua agentliyinə istinadən verdiyi məlumata görə, Çinin şimal-qərbində yüksək sürətli magistral yolda dünyanın ən uzun tuneli açılıb.
“22,13 km uzunluğunda olan Tianshan Şenli Tuneli bu gün rəsmi olaraq nəqliyyatın hərəkəti üçün açılıb”, – deyə açıqlamada bildirilir.
Tunel Çinin şimal-qərbindəki Sincan Uyğur Muxtar Bölgəsindəki Tyanşan dağlarından keçir. Tunel Tyanşan dağlarının bu hissəsində səyahət müddətini bir neçə saatdan təxminən 20 dəqiqəyə qədər azaltmışdır.
Tunelin tikintisinə 2020-ci ilin aprel ayında başlanılıb.
