“Qarabağ” bu gün yeni əməkdaşlığa başlayıb.
Ağdam klubu Azərbaycan İdman Akademiyası ilə işbirliyi qurub.
Tərəflər arasında aparılan danışıqların yekununa əsasən, akademiyanın 4 nəfərdən ibarət müəllim heyəti “köhlən atlar”ın məşqçilərinə seminar keçəcək və mühazirə oxuyacaq.
Bu, avqustun 25-dək davam edəcək. Qarşıdakı müddət ərzində 7 belə tədbir keçiriləcək.
“Qarabağ”ın əsasən akademiyasında çalışan mütəxəssisləri 4 mövzuda leksiya dinləyəcək. “Liderlik və kommunikasiya”, “Klub-valideyn münasibətləri”, “Uşaq hüquqları” və “Yeniyetmələrin məşqçiləri üçün metodoloji pedaqoji yanaşmalar” istiqamətində söhbət açılacaq. (sportinfo.az)
