Türkiyənin səhiyyə naziri Kamal Memişoğlu, yerli istehsal olan Gökbey vertolyotlarının 2026-cı ilin sonunda hava təcili yardım donanmasına qatılacağını açıqlayıb.
Korrekt.az xəbər verir ki, Türkiyə Böyük Millət Məclisinin Plan və Büdcə Komissiyasında Səhiyyə Nazirliyinin 2026-cı il büdcəsi ilə bağlı müzakirələrə başlanılıb. Bu çərçivədə nazir Kamal Memişoğlu, Səhiyyə Nazirliyinin gələn ilin büdcəsi və layihələri barədə məlumat verib.
Memişoğlu, yerli istehsal olan Gökbey vertolyotlarının xüsusi olaraq təcili yardımlar üçün təchiz ediləcəyini və 2026-cı ilin sonuna qədər tamamilə xidmətə başlayacağını vurğulayıb. Nazir, “Gökbey helikopterlərimiz Türkiyə üçün böyük bir qürur mənbəyidir. Öz mühəndisliyi və gücü ilə inşa edilən bu vertolyotlar, ölkəmiz üçün əvəzsiz bir dəyərdir” dedi.
Yeni təcili yardım vertolyotlarının, Türkiyə daxilindəki təcili yardım xidmətlərinin keyfiyyətini artıracağı və həyat xilasetmə proseslərinə mühüm töhfə verəcəyi gözlənilir. Gökbey helikopterləri, yüksək texnologiya və yerli istehsal gücü ilə ön plana çıxaraq, havada təcili yardım əməliyyatlarını daha sürətli və effektiv şəkildə həyata keçirəcək.
