Türkiyənin Balıkesir əyalətinin Sındırğı şəhərində 5,2 bal gücündə zəlzələ qeydə alınıb.
Korrekt.az xəbər verir ki, bu barədə Türkiyə mətbuatı, o cümlədən “Yenicag Gazetesi” məlumat yayıb. Yeraltı təkanlar yerli vaxtla saat 00:24-də baş verib.
Zəlzələ İstanbul, İzmir və ətraf bölgələr də daxil olmaqla bir çox şəhərdə hiss olunub. İlkin məlumatlara görə, zəlzələ nəticəsində dağıntı və ya insan tələfatı barədə rəsmi açıqlama verilməyib.
Hadisə ilə bağlı müvafiq qurumlar tərəfindən araşdırmalar aparılır.
