Bu gün SEPAH-ın Hərbi Dəniz Qüvvələrinin komandanı, general Əlirza Təngsiri bildirib ki, Hörmüz boğazında 24/7 kəşfiyyat əməliyyatları aparılır.
Komandanın sözlərinə görə, bu nəzarət boğazın həm havada, həm də sualtı hissəsində tam şəkildə həyata keçirilir. O, əməliyyatın məqsədini belə izah edib:
“Bu monitorinq boğazdan keçidin təhlükəsizliyini təmin etmək üçün həyata keçirilir, çünki region ölkələrinin və bir çox xarici dövlətlərin iqtisadiyyatı bu strateji su yolunun təhlükəsizliyi ilə sıx bağlıdır”.
