ABŞ Prezidenti Donald Tramp, qlobal hərbi münaqişə təhlükəsinin aradan qaldırıldığını bəyan edib. Tramp, Davos Dünya İqtisadi Forumunda etdiyi çıxışında, Rusiya-Ukrayna münaqişəsinin həlli üzrə ABŞ-ın xüsusi nümayəndəsi Stiven Vitkoffun fəaliyyətini yüksək qiymətləndirib. Prezident bildirib ki, “Stiven Vitkoff inanılmaz iş görür və Üçüncü Dünya Müharibəsi olmayacaq”.
Korrekt.az xəbər verir ki, Davosda keçirilən toplantıda, ABŞ-ın xüsusi nümayəndələri Stiven Vitkoff və Cared Kuşnerin, Rusiya tərəfinin nümayəndəsi Kirill Dmitriyevlə görüşü baş tutub. Növbəti mərhələdə, Vitkoff və Kuşner Moskvaya səfər edərək, orada Rusiya Prezidenti Vladimir Putinlə görüşəcək və Rusiya-Ukrayna münaqişəsinin nizamlanması məsələsini müzakirə edəcəklər.
Bu bəyanat, beynəlxalq ictimaiyyətdə böyük maraq doğurub və Rusiya-Ukrayna münaqişəsinin həlli istiqamətində yeni bir ümid yaradır.
