Korrekt.az xəbər verir ki, Finlandiya Prezidenti Aleksandr Stubb Davosda keçirilən Dünya İqtisadi Forumunda Rusiya Prezidenti Vladimir Putinin beynəlxalq və regional səviyyədə güc nümayiş etdirmək istədiyini bildirib.
Stubb çıxışında deyib: “Orta Asiyada, Cənubi Qafqazda, İranda, Suriyada və Venesuelada baş verənlərə baxın. Kremlin baxış bucağından bu, uğurlu bir hekayədən çox uzaqdır.”
Finlandiya prezidenti həmçinin Rusiya-Ukrayna müharibəsində Moskvanın qalib gələ bilmədiyini vurğulayıb. Onun sözlərinə görə, son 1000 gün ərzində Rusiya qoşunları yalnız Ukrayna ərazisinin 1%-ni işğal edə bilib və yüz minlərlə hərbçisini itirib. Eyni zamanda Stubb bildirib ki, Rusiya iqtisadiyyatı böhran içindədir və inflyasiya sürətlə artır.
