İranın ali rəhbəri ölkədəki etirazlar və sosial narazılıqlara münasibət bildirərək, bütün vətəndaşları “İslam Respublikası və İranın müdafiəsində birlikdə və yan-yana olmağa” çağırıb.
Korrekt.az xəbər verir ki, rəsmi açıqlamada etirazların ölkənin sabitliyi və təhlükəsizliyi üçün təhdid yaratdığı vurğulanır.
Bu tipli çıxışlar yalnız siyasi mesaj deyil, həm də hakimiyyətin etirazlara qarşı strateji yanaşmasının ideoloji əsasını təşkil edir.
Etirazçılar “fitnəkar” və “xalqın düşməni” kimi təqdim edildiyi üçün, birlik çağırışı həm sosial təzyiq, həm də təhlükəsizlik qüvvələrinə mənəvi dəstək kimi qiymətləndirilir.
İranın rəsmi mövqeyinə görə, daxili və xarici qüvvələrə qarşı birgə və vahid mövqe nümayiş etdirmək millətin və dövlətin qorunması üçün vacibdir.
